مش هرد علي رغيك
لاني مش فاضي
لو ترضي انا اصلي راضي
لو تهدي انا طبعي هادي
لو تنكش اسمي منكش
وبموت ف النكش وانكش
لو حابب احكي يعني
فانا شاطر ف الحكاوي
انا كنت ناوي انسي
وعنك يابني اصفح
فلاغيني ان كنت غاوي
مش طالبه صداع ودوشه
ولا ينفع ولا يحصل
ولا اراجع في الشكاوي
لو كنت جاي تغني
طب كنت عني تسال
لوحدك كنت تعرف
انا بكتب ف الغناوي
وكلامي برضو يوجع
من غير صابون لساني
بيزود ف الرغاوي
وهعالجك من اللي فيك
يا واد بعرف اداوي
أعملك شاي تبلع
ولا حلبه حصاوي
من غير سكر عشانك
اصلي لو احط سكر
همسك حاجه واقلب
وانا اصلي لو هقلب
هتطلع ف البلاوي
مضحكوك عليك ياشطر
وقالولك انت شاطر
ما الشاطر غيره اشطر
وهتطلع جنبي هاوي
لو كنت ناوي تسرح
ابنيلك يابني مسرح
وهتبقي نجم خشبه
من غير اي رشاوي
لو كنت ناوي توبه
ونويت ف الخير وتزرع
عندي تلاقي التقاوي
فاتح دكانه جنبك
يمين او ل اشاره
بعد بتاع المشاوي
يهمنا سماع رايك ( ضع تعليقك هنا )