ببحث عن اسم ف تليفوني
طلعلي اسمك بالتشابه
حسيت لمعه في عيوني
نزلت دمعه فوق هدومي
مع استرجاع شريط همومي
صوتي حشرق
قلبي دق دق
نبضي عالي
ونفسي ضاق
وافتكرت بس يومها
يعني ايه الم الفراق
وقريت كل الكلام
حتى الايموجي والايموشن
كل الرسايل
واكتشفت اني قلبي
حظه دايما بخته مايل
اخر فويس نوت شتيمة
اني تافهة واني ضايع
وان ندمك مش عليا
واني زفت مالوش قيمه
واني استأهلها هي
وهي شبهي عشان لئيمة
ملخص ال 3 ساعات
في مراجعه رسايل الهنا
اكتشفت من كلامها
اني في تصنيف الحوارات
اني في تصنيف الحوارات
معدي غيري بكام سنه
وأنها فهماني جدا
وان اخدت 1000فرصه
واني ديك زنان بيدن
واني كنت اناني خالص
معرفتش اثبت اني احسن
وهي شخصيه تجنن
هي اتنازلت كتير
نزلت من مستواها
لأجل شاب كان حقير
كان تافهه وكان فقير
بس كان بيحلف كتير
انه بيعشقها
وانه دايب في هواها
فعلا اتنازلت كتير
نزلت من مستواها
طول الليل مسكين سهران
وهي تقوله حبيبي نام
نبره صوتها في ياحرام
كانت تجنن
يبدا يسحبها بدراما
ما يرقد الليل مفتون
هي فرحت بيه جداً
هي قالت هو موسي
بس هو كان فرعون
داخل قسم المجاملات
في كلام كتير بيبرق
اني عوضت اللي فات
واني شمس ليها تشرق
وانا اقولها انتى قمري
وسيره الحب
وانت عمري
جوليا بطرس
عمرو دياب
دا غير منير وفايا يونان
هي شافت قلب راضي
وانا اتعلقت بجنان
كنت بقول دي لحن عشقي
وصوتها احلا من الكمان
فجاءه يصبح قلبي فاضي
ولسه بتهدد كمان
جوه قسم التهديدات
في رسالة حزينة جدا
تهديد بقطع العلاقات
لاني ديك زنان بيدن
واني بحب في صحابها
واني كلب من كلابها
ناقصني ديل
واني طبعي مش عاجبها
وان لساني بقي طويل
واني اصلا مين اكون
وان هواها لا يميل
وان حبها فبركه
فرجعت لقسم السهوكه
وبداخل قسم السهوكه
شفت الغزل ولقيت دلال
قلبي نسي كل الاسي
ورجع يحن وفجاءة مال
انا الملزق ف الهوا
وبقول خيال
وهتنصح مين
قلب طبعه ذليل مسكين
الرب خلقه في اليمين
لكنه حادف ف الشمال
فرجع يحن وفجاءة مال
انا كنت متردد شويه
لا شويتين
ولسه في حبه حنيه
لا حبتين
قلت لازم اصون كلامي
ولازم اوفي بالوعود
بسرعة كتبت الرسالة
مش كفأيه بقي ونعود
لكني متهزا كفاية
فقلت خلاص بقي وكفاية
بدات اتردد زيادة
بدات في قلبي اشك
ولسه هضغط الأرسال
عقلي راح ضاغط بلوك
ومسحت اسمك اللي
كان موجود تشابهه
ومسحت رسمك من خيالي
اللي كان طاغي وصابغ
حتي مكانك
مش مكانك
معدش فارغ
بطلت اكون تافه ضعيف
نضفت قلبي من رواسبك
لقيت عنيا فيها نور
بقيت بشوف
ومش كفيف
بطلت اكون تافهه ضعيف
انا مش خاين ولاجبان
من أصل طيب
طين شريف
على العموم
رفعنا عنك الحجاب
معدش يلزمنا التنازل
تطلعي فوق السحاب
تنزلي او تاخدي فاصل
ترجعي ل لمه صحاب
تضحكي وتقولي كلب
يصقفوا و يقولو هايل
تضحكوا على ضعف كان
ترقصوا على بخت مايل
والله ما انا شايل البلوك
وبرضو مسحت الرسايل
ومسحت اسمك اللي
كان موجود تشابهه
