مين قال اني طمعان
ف القرب
او شرط أكون جنبك
لاحب
صحيح انا كنت حرامي
قلوب
بخطف قلبين واسرق
قلب
علمني هواكي اني أتأدب
خلاني احبك وانتي بعيده
علمني افرح رغم الوحدة
لما اسمع عنك شيء بفرح
وافرح لما تكوني سعيدة
قلبك حسيتك خايفه عليه
ونسيتي خلاص اني اتغيرت
طب قلبك خليه
وابعتلك قلبي هديه عليه
وعيشي بقلبين يا جميله
يا كحيله وماليه العين
ياقمر بينور من غير
شمس
يا ملاك يتشاف وكمان
يتحس
معلش مش هعرف اكون
كداب
مش هقدراقول كنتي انتي
وبس
وقبل الحزن ما يتمكن
او نبدأ وصله لوم وعتاب
انا حالف ابطل اكون كداب
ف مني الي اغلي الاحباب
انا قبلك تهت كتير وتعبت
انا كنت غريق ولقيت الشط
في كل تفاصيلك مختلفة
كانوا دايما يقسو وانا سامح
وانا كل ما اقسي
تكوني صابره
حتي ف الوانك مختلفة
كانوا همي البيض
وانتي السمرة
وان كانوا نجوم
فانتي القمرة
وسالت شيوخنا فافتولي
مكتوب يا ولدي عليك الحج
لو كنت عملت١٠٠ عمره
والتوبة المرة دي نصوحه
ساعديني اكفر في ذنوبي
والملم قصصي المفضوحة
قلبك بيقول اكيد صادق
وقلبك طاهر ما بيكذب
ف مني الي اغلي الاحباب
علمني هواكي اني أتأدب
خلاني احبك وانتي بعيده
علمني افرح رغم الوحدة
لما اسمع عنك شيء بفرح
وافرح لما يقولو سعيدة
