يا قافله ستاره شباكك
وعلي قلبك ببان الشوق
انا عاشقك وانا جارك
ساكن الدور اللي فوق
انا تايهه ف نظره خدتها سرقه
ورافض اني منها افوق
ف واربي الشيش ولو مره
اشوفك فيها بالصدفه
وارمي الحبال والطوق
وافوق من توهتي والوحده
واداوي في قلبي المحروق
الحلوه بنت شيخ الجامع
وابوها يبقي صاحب الدار
قولولها بس تتوصي ف سلامتها
دا انا الاول يارتني كنت سابع جار
ما بيني وبينها
كم درجه على السلم
وفى الطالعه وفى النازله
لا ترد سلام ولا تسلم
هموت واعيد انا النظره
وكاتم شوقى وتالم
تعدي تشوفني تداري
وتتجاهل كاني مفيش
وتتجاهل كاني مفيش
يا بنت الشيخ ما تستهدي
ولو مره وواربي الشيش
ياعم الشيخ فهمها وكلمها
وانا هاجي لباب بيتك
واتوسل طالب ايدها
واطوح كما الدراويش
وانا موافق علي شروطها
وبلغها هجيب النيش
واجيب الناس لتشفعلي
والم الحاره وناسها
واجيب شيخها وحراسها
والم اعيانها والحرافيش
يا بنت الشيخ ما تستهدي
ولو مره وواربي الشيش
فلو وافقتي يا جاره
انا مستني باشاره
يا حلوه وكلك زوء
يا قافله ف وشي شباكك
