مش لينا

اللقطه مش لينا
اللقطه لناس تانيين
ممكن نكون عاجبينهم
بس مش الغاليين

الحب مش لينا
لأننا مساكين
يادوب نلم الصدقه
ف كلمتين حلوين

الحب واخدينه
وف القلوب ساكنين
ناس بكوا عنيهم
مالكينه ناس تانيين

ضيعنا وقت كتير
بغباءنا مش فاهميين
ان اخر المطاف
زي الدور اللي طاف
اخرتنا منسيين

يمكن عشان حاسين
ان احنا نستاهل
ناس احلا من التانين
بس احنا مش عارفين

ومن باب الانصاف
الذنب مش ليهم
احنا اللي مذنبين

ما لا وعدوا- وجحدوا 
ولا كذبوا- ولا مكروا
ولا قالوا- ونكروا
ولا حلفوا حتي يمين 

وحتي لوحلفوا
القصه مش مستاهله
يادوب كفايه عليهم
اطعام عشر مساكين

طب ليه مستغربين ؟

ايوه حاسين بيك
بمشاعرك الحلوين
لكن دا مش ب ايديهم
وعشان دي ناس فاهمين
مش هاين يجرحوك
ولا حتي يفوقوك
بكلمتين قاسيين

سايبينكً للمواقف
يمكن يفهموك
لو كان في راسك مخ
لو في عندك عنين
هتعرف انك انت
فارض نفسك عليهم

قال يعني قريبين

كم مره بتلمح
وبيفضلوا ساكتين
كم مره بتصرح
بعيونك الهايمين

كم مره بتسرح

بخيالك المريض

واحلامك الضايعين
كمًً مره اشتقت ليهم
وخانوك الدمعتين

لا تمل ولا تتعب
مركز مع الساعه
عينك علي العقرب
هانت خلاص واشوفهم
مش باقي غير ساعتين

كم مره اخدت ميعاد
وهمي مش جايين
وانت اكيد عارف
اعذار كما المعتاد
وللميعاد ناسيين

ولسا بتستني
مغرم بتتمني
ياخي حس ع دمك
لا في دم ف وشك
ولاحتي ف الشرايين

ماتفهم خلاص ياحزين

دي اللقطه مش لينا

اللقطه لناس تانيين

.........

#M_A_N

Mahmoud Hanfy

INSTA

 

1- wordpress  تصفح الموضوعات
علي ورد بريس  manw23  

2- flicker  تصفح المدونة علي فليكر 

3- pinterest  تصفح المدونة  manw23   

4- tumbler تصفح  المدونه علي تمبلر  

                             

5-  مدونه بلوجر