طعم الشهد انا لسه بحسه
بنفس حلاوته ونفس اللذة
عدت سنه والثانية اهي خلصت
يوم ما قدرت ابوس انا خدك
نظرت عينك لسه فاكرها
بتقولي ابسط مين قدك
يومها الارض اتهزت هزه
من خطواتي على قشرتها
ماشي ورافع رايه النصر
وكلي شعور بالفخر وعزه
وطعم الشهد انا لسه بحسه
بنفس حلاوته ونفس اللذة
يوم ما فارقنا بين احضانا
كانت غاره بتشبه يونيو
جات ف اكتوبر
قلبت نكسه
فاكر ايدك مع رعشتها
وقت ما كنتي بتبكي ساعتها
وبتهدي مع اول لمسه
واهو عزالنا فرحوا ليلتها
وانا وانتي حسينا بوكسه
لما بداتي تخسري ناسك
قلت انا لازم عنك ابعد
قلتي كفأيه كسبتك انت
اصبر يابنى وبلا ش تعند
كانت النبره فيها مجامله
وقلبي ساعتها حس بنغزه
كنت بقولك حاسة بقلبي
وانتي تقولي ازاي مش حاسة
قلنا هنرجع بعد شويه
مش مشكله اسبوع او خمسه
عمري ما كنت اتوقع ابدا
ان قلوبنا هتبعد تنسي
شفتي ازاي قلبت لحجاره
وكل شويه بتصبح اقسي
ورغم مراره الحزن والمه
طعم الشهد بحسه ولسه
بنفس حلاوته ونفس اللذة
فجاءه كلامك أصبح جارح
ونسيتي طبعي الحامي الحر
عطشان وسط البحر المالح
لا انا عارف اشرب
واروي ف عطشي
ولا لاقي مرسي
ولا لاقي بر
بس الذكري الحلوة فاكرها
فاكر البنت الجدعة معايا
وعمري ما هبقي قليل الاصل
فأكر كل مواقفك طبعاً
والادوار كانت مقسومه
مره عليكي تكوني السنده
ومره عليا ابقى الظهر
فأكر كل مواقفك طبعاً
والادوار كانت مقسومه
كنتي السنده وكنت الضهر
حتي الناس الندله فاكرها
فاكر كل مواقف الخسه
وطعم الشهد ف بوقي بحسه
فاكره برضو وعمري ما هنسي
نفس حلاوته ونفس اللذة
M_A_N#
Mahmoud Hanfy
INSTA
يهمنا سماع رايك ( ضع تعليقك هنا )