MAHMOUD HANFY MAHMOUD HANFY
recent
جاري التحميل ...

ظابط الإيقاع

الدنيا هدوء ف هدوء
راح الغبي فرح
قال من العسل راح ادوق
فجاءه الخازوق طرح
لو فاكر نفسك ناصح
كان اللي قبلك فلح

ظابط الإيقاع حبيبنا
صاحب الطبلة العجيبة
بيقسم الإيقاع لسيدنا
صاحب الطلة المهيبة

ماشي دايما ورا سيدنا
زي ضله
كل امله انه في يوم
ياخد محله
قدامنا بيقوله يا افندم
وبره بيقوله يعمو
وبينهم يناديه ب بابا
ظابط الإيقاع اصبح
نائب رئيس العصابه

ظابط الايقاع حبيبنا
عنده طبله صوتها يرعش
عنده نغمه لكل موقف
قبل ما عينك ما ترمش
خلي بالك منه دايما
كل اخبارك منقوله
من قبل ما تنطق وتهمس

جاي سكه ف اي سكه
المهم تبقي سالكه
تاخده سلم للطلوع
عادي كوبري للنزول
أي سكه للوصول
اي حاجه مش مهم
طير جميل وببيني عشه
وكل ساقيه لازمها طور

ظابط الإيقاع حبيبنا
بابه مفتوح للجميع
عنده خبره ف المضاربة
عنده قدره يشتريك
تاني يوم عادي يبيع

لما قامت الخناقة
الجميل اتبرا منهم
شافها فرصه للسواقة
كده كده كان خاينهم
وهي دي الفرصة الأخيرة
فرصه العزف الكبيرة
فيها ايه لو يبقي سيدهم

ظبط الإيقاع بخفه
ضم العازفين لصفه
كل عازف في مكانه
كله مركز ف لحنه
كله حافظ نوته واحده
وهمي بفضل الله وحمده
كل قلوبهم سوده جاحده

وابتدت حرب الطبول
اللي بدأت بالطبول
والكلام الحلو اللي
خلي بينهم في قبول
والحكاية واضحه جدا
من امتي يعني كان العوام
بيحبوا  في جند المغول
الحكايه حرب واضحه
من وقت ما صاحب الزريبه
علق علي اكل العجول

كل الكلام كان نفاق
واللي كان الاب ليهم
فجاءه اصبح لا يطاق
واللي كان عقليه فزه 
قالو عليه عجوز معاق
ماهي معروفه الحكايه
ماهو اللي ساب العصايه
وهمي أصلا كالقطيع
بدون عصايه لا يساق
سالو ريتشارد عن هزيمته
قالهم  خانوا الرفاق 
كل الأوركسترا مستعده
وكل عازف في مكانه
واخد وضع الاشتباك

كله مستني الأمارة
ساعه الصفر بتقرب
هوبا بدأت الإشارة
صوت الإنذار بيعلا
جو صامت كله ساكت
مستخبى ورا ستاره
شفت العجب العجاب
اول حرب ف التاريخ
تخلص من اول إغاره

خلصت الحرب العجيبة
وقع الطور ابن اللعيبة
اتلمو عليه غنم الزريبة
اكلوه طبق الفشار
هو رمز لكل واطي
وهمي قمه الانحدار
واللي كان بيقول انا اسد
اكتشف انه حمار

خلصت الحرب العجيبة
فجاء بيروح الغبار
والكومبارس في مكانهم
عايشين حاله الانبهار
ظابط الايقاع حبيبنا
ماشي برضو ورا سيدنا
 بيكسر قلل فخار

Mahmoud Hanfy


عن الكاتب

MAHMOUD HANFY المدونة خاصه بمنشئ المحتوي / محمود حنفي : والتي تعتمد على أساس صياغه بعض المواضيع بأسلوب ملائم للطرح لا يخلو عاده من الأخطاء - لذلك توجيهكم محل تقديرنا ونسعد لملاحظاتكم كما يمكنكم المتابعة والتواصل : عن طريق الروابط الخاصة بوسائل التواص ...

التعليقات

يهمنا سماع رايك ( ضع تعليقك هنا )


جميع الحقوق محفوظة

MAHMOUD HANFY

2025