كله بح
اه يا دنيا كله بح
كله بح بعد ما قلبي
ليهم انفتح
جرحوه وعذبوه
وغدروا بيه
وقالوله بح
بلاش حبيبي
تلعب بالنار
دي يح
انا بنصحك بلاش
تغدر وانا انجرح
نصيحه خدها منى
خلاص صوتي اندبح
د ا انتى لو صخره
كان بقى ليكي ميزه
في الشواطئ
او الجبال اعلي السفوح
لا صدقيني
انا اصلي مصاحب صخره
عالشط ويا الرمل
بشكيلها الجروح
سبحان خالقنا العظيم
أحياكي بعد ما كنتي رميم
كنتي جزع نخله
مرمي ع الطريق
وفجاه بيطرح بلح
شفتي نفسك ف المرايا
قلتي لا قدامي ولا ورايا
ما تيلا بقى سيبي المرايا
واتعدلي يا حلوة معايا
احسن ورب العالمين
راح هحكي كل الحكاية
هحكي حكايه الجاز
وخرطوم البوتاجاز
والمبيدات القاتلات
اللي تحولت
لشامبوهات
وبرفنات
وكريمات
وحاجات كتير
مفهمش فيها
عشان دي حاجات
بتاعت بنات
قالتلي يعنى هي لوي دراع
قولتلها ايه بتقولي ايه
اسمها اي
لوي دراع
طب ايوه هى
لوي دراع متكتريش
مش طالبه صداع
قالتلي احكي
والناس هيقولوا مجنون
شوف مين هيصدق كلامك
ع واحده حاطه
ف وشها 100 لون
سناني بيضه زي اللولي
وخدودي زي التفاح
مشيتي زي الحصان
تشوفني قلبك ينشرح
طب معاكي للنهايه
يلا نبدا الحكايه
كان ياما كان
في بنت صغيره بتبكي
ع وشها ملموم دبان
تروح تمسح دمعتها
تجري من قدامها
كانها تعبان
عارفين ليه
ريحه الجاز
في شعرها
ماليه المكان
انا استغربت
ازاي ريحه شعرها مبيدات
وعلى وشها ملموم دبان
بس بعد كده عرفت
ان وشها مليان بلاوي
متغسلش بقالو زمان
بصيت لقيت واحده بتجري عليها
شوي يعني تشبهه لها
باعلي صوت ندهت لها
سبيها بلاش تضحي
لو لمستي بس اديها
هتفضلي سنين تكحي
بصتلي بصه غريبه
وقالتلي (شت اب ) يا مان
قولتلها نعم يا حاجه
تطلعي مين انتى كمان
قالتلي انا امها
دي بنتي وانا عارفها
ونفس الريحة حاطاها
من شمه واحده جالك زكام
وشويه وقفت جنبها
واحده مختلفة عنها
مفيش قمر يشبهه لها
قولتلها مين دي يا امها
قالتلي يوووو دي اختها
فوله وانقسمت نصين
والنعمه دي نسخه منها
الجرب كان مالي جسمها
بقالها يومين ف الكلور
البياض مالي وشها
وديتها عند الكوافير
خليت شعرها حرير
وانا جاي اخد اختها
اعمل فيها زيها
يمكن يحلو شكلها
رضيت بك وقلت نصيبي
واهوربك بيكفرلي ذنوب
وبعد ما ابتلاني بيكي
قررت اني اتوب
اذا كان دا عذاب الدنيا
عذاب الأخرة شكله ايه
ياللي يحد فوكي بالطوب
شفتي نفسك حبتين
يا ام اربعه واربعين
البوز كان طوله مترين
ودانك استريو بسماعتين
والله خساره فيكي
كل دلعي وحبي فيكي
ياللي كنت بناديكي
يا شق يحلو انت يا حسنين
ولما ربنا اداكي قرشين
ومش عارفين والله منين
بدل العملية عملتي فوق الاثنين
فالمنخير قصرت شبرين
وكمان عدلتي الودنين
وف التالته زبطتي جسمك
بالسيلكون والكريمات
وكمان غيرت اسمك
بقي سوزي
ومفيش نعمات
ولو سألوكي انت مين
بتقولي ست البنات
ولو حد رن عليكي
بتفتحي وتقفلي
وتاني رنه تقولي
او – يا- سوري
كلمنى يا مان ع الشات
شات يا بنت عنايات
لو شافوكي كانو نادوكي
يا ابو شفه
لو قاعده وسط البنات
الباضى بقي كات
و قطعتي الجينز
وسمعتي افلام الهلس
رقص فاضي بكعب عالي
وفعل رجس في حب هجص
وبطلتنا صاحبه تقدير
شعرها دهبي وحرير
كان نفسي تدخلوا الكوافير
وتتشوفوا الشعر الحرير
اثناء رش المبيدات
ضد الحشرات القاتلات
ولو غسلتوا وشها
من الالوان والكيماويات
وعملتو لوشها اسكان
هيبوظ مقاوم الفيروسات
ولوحللتو دمها 90% مخدرات
فقبل ما تبص لشكلها
وتشوف حلاوة جسمها
وتقولي معجب باسمها
ما تشوف ياعم اهلها
او حتي اسال عنها
ومش شرط تطلع لامها
ما كفأيه القدرة وفمها
ما ياما شفنا ستات حلوه وشيك
حلوه يعني ف وصفها
مش قصدي كانيش
ولا عرف ديك
وبناتها مكانوش زيها
وياما ستات ولا بد
وبناتها افضل منها
يخلق من الفاسد عالم
والعكس صحيح في وقتها
هديك يا كابتن وصفها
لو كانت حلوها ف شكلها
وفي مشيها ولبسها
وتمام تربيه اهلها
ياسلام لو شيك اسمها
مش خساره فيها
كنوز الدنيا كلها
ترميها تحت رجلها
واحلا واحده
ع الشاشات شفتها
مش هتساوي طفره
في اصغرضفر في رجلها
لو حد يعرف واحده كده
يبعتلي رقم اختها
معلش زودت العيار
حطوها تحت بند مزاح
ما القلب برضو مكوي بنار
حلاوة روح عشان مدبوح
سامحوني تقلت الهزار
#M_A_N
Mahmoud Hanfy
يهمنا سماع رايك ( ضع تعليقك هنا )