هرمون مش فارقة هو السائد
هرمون خليك بقي متنحي
هرمون الطز مزودها
وانا كل ما احاول ازبطها
هرمون فككك بيرجعني
هرمون معلش ماهوش نافع
معلهشك خليها عشانك
وبالنسبة لكل اللي لاموني
معلش ماهي الدنيا لموني
معلهشك برضو ورجعاالك
لا احترت ولا ضاقت بيا
فكرت تحس بإحساسي
والدمعة الناشفة ف عنيا
كاره روتين يومك مثلا
فكرت تصحي ف يوم فرضا
ناسي الايام الوردية
معلش ماهي الدنيا لموني
لا اغمقت وجايه عليا
حسيت بالوحده ف ليل تعبك
ولا حدش بيناولك ميه
حسيت بالغربة واوجاعها
قساوتها مع لوي دراعها
والحسبة التافهة الكندية
الواد متغرب متريش
عشرين من عنده
يساوي 100
اسف بتأسف لجنابك
معلش صدعت دماغك
معلهشك برضو ورجعاالك
عارفك بتحبب الروقان
قاعد بتفسر وتأشر
عاشق للطبلة ونغمتها
واحد بيطبل ف ودانك
والتاني بيعزف الحان
والتالت يذكر ف امجادك
والرابع يحكي العرفان
والكلب الخامس ف كلابك
قال كلمه حق واتجرا
واقف ع الباب مستني الأذن
والطبلة ف ايده وندمان
معلش عديها جنابك
واوهبله صك الغفران
وبيوعد عمره ما يعدها
ولا عمره يحس بإنسان
والطبلة اكيد على مواعيدها
وهيجي لابس متشيك
هرمون احساسه خلاص فارق
وقلبه بقي جاحد زيك
هرمون الطز مزودها
هرمون خليك بقي متنحي
وانا كل ما احاول ازبطها
هرمون فككك بيرجعني
روابط اخري للمدونة
يهمنا سماع رايك ( ضع تعليقك هنا )