كل حاجه بقت عاديه
الايام ماشيه بسرعه
والحياة يادوب شويه
وانت لسا فى مكانك
عايش على حبه اثر
كل يوم تفتح دولابك
لاجل ما تشوف الهديه
مش كنت قلت انه قدر
ومن النهايه مفيش نيه
وان فى في قلبك حجر
والقصه اصلا منتهيه
وانهم يادوب يومين
وانا هنسي وتنسي هي
ليه لسا فاكر بعد عمر
إظهر قسوه شيل الحنيه
ولا هي كالعاده ذكري
زارتك فى ليله قمريه
فى القمر شفت جمالها
فافتكرت عيون بهيه
فى جمالها الشعر تاه
كانت سلطان ومال وجاه
وانا صعلوك من الرعيه
والفرسان كانو كتير
والمهر كان غالى عليا
اصدر الملك فرمان
يمنع على كل صعلوك
ان يحب من الملوك
وانا لى حق كمملوك
أن اتزوج من سبيه
فجاه قلبي تاه ومات
هربت ومشيت من سكات
وكل حاجه بقت عاديه
قلت هما يادوب يومين
وانا هنسي وتنسي هي
وفجاه عدت السنين
ولسا عايشه الذكري فيا
ورغم ان العمر راح
لا انا نسيت ولا هى
حتى هى لسا برضو
كل يوم تفتح دولابها
لاجل ما تشوف الهديه
يهمنا سماع رايك ( ضع تعليقك هنا )