يا ام العيون اللي
مالهاش أي لون
اشوفها بنى وتبقى عسلي
تشوفي شمس اشوفها خضره
وتوهى يا عيني في كل لون
وتوه يا قلبي في كل مره
يا ام العيون اللي مالهاش أي لون
انتى حاسة ولا فاهمه
قولي ايوه
من عذابي يمكن اهدا
قولي لا
وارحميني من الشكوك
وانقذيني من الظنون
قولي ايوه
وانقذيني من جناني
وابعديني في كوخ بعيد
في دنيا تانية وتاني كون
يا ام العيون اللي مالهاش أي لون
انتى ساكته من الكسوف
ولا في جرح ماليكي خوف
ولا خايفه من الظروف
ومن الجنون
انتى خايفه تلومي قلبك
انه طاوعك مره تانيه
ولا خايفه تلومي عمرك
لما بيضيع كل ثانيه
احنا خفنا كتير يا حلوه
ولما خفنا خدنا خوفنا
في سكه تانيه
سكه كان الشوك ماليها
ولما قلبي مشى فيها
رجع يلومني يقول حرام
سكتك مليانه جرح
وناسها خاينه
يا ام العيون اللي مالهاش أي لون
حطي جرحك جوه قلبي
اداوي حزنك ويا جرحي
هاتى شهدك
شيلي ملحى
خدي قلبي
وخدي فرحي
يمكن الايام يا قلبي
تحس بيك
تحس مره زيك انت
تدوب في نظره من جمالها
والحسنه اللى فوق عيونها
مزيننها مجملينها محلينها
مخلينها تشد فيك
يلا نعقد اتفاق من السلام
وتحس بيا واحس بيك
ويكون كلامنا بدون ختام
وتبقى جنبي اشوف عنيك
اشوفها بنى
وتبقى عسلي
تشوفي شمس
اشوفها خضره
وتوهى يا عيني
في كل لون
وتوه يا قلبي
في كل نظره
روابط اخري للمدونة
