فرحان بقالي يومين
عشان بتضحكي
حتي لو كان ايموشن
احساس انك بخير
ضرب الفرح في اتنين
مكس كريم ع لوشن
يا كاسبه مني ثواب
خلي الثواب اتنين
علي الضحكايه اكتر
يا عزف بيتهوفن
الضحكه منك وطن
فبلاها حزن وشجن
يا محلا اوطانك
ياعيون ف جنه عدن
طار هدد سليمان
لف الشجر ملقاش
احلا من اغصانك
الورد ليه دلالات
يا زهره ف ارض اليمن
كان نفسي اكون ريحان
مزروع ف اطيانك
مروي من الفرات
ريحته بتملا الشام
مشيوا ورا ريحتو
خدهم لبستانك
ذهب ارض السودان
لما لمس ايدك
لمعانه راح ضيه
وتاه ف لمعانك
ثلج جبال لبنان
بياضه ضاع لونه
جنب بياض قلبك
وحب الوانك
يا نهر الريان
الخمر ف عيونك
مسكر لكنه حلال
بالراحه يا رموشها
منييش من اعدائك
الشعر فيكي احتار
كل الكلام اتسجن
وهيوصف ايه شعري
ف بحر احسانك
كل الكلام اصفار
وانتي يمين واقفه
وايه قيمه الاصفار
ومكانها ف شمالك
وانا نفسي ابوح بالسر
ف لو تكتمي الاسرار
ساعات بقلب حسود
واحقد علي جيرانك
دا كل اللي بينكو جدار
ف سهله يشوفوكي
ويتملوا ف جمالك
ويقولو شفنا الحلوه
ويعجبوا بيكي
وبشكل فستانك
وانا مكاني هنا
بعد نجوم السما
هائم ف اعماقي
تايهه ف احزانك
بطلع ف عز الضو
عشمان اشوف القمر
ويا بعد ابراجك
صممت الاقي البر
ليه كسرتيلي سفينتي
وغلبتني امواجك
خدني العشم مسافات
قلت ما غيري يوصل
وهيكتبوا ف سيرتي
اني الوحيد طالك
فيا ريت تعذري جهلي
واسف لازعاجك
............
Mahmoud Hanfy
يهمنا سماع رايك ( ضع تعليقك هنا )