بهرب منك واجري عليكي
وكل ما ابعد - اقرب ليكي
وكل ما قول اهرب من نارك
بلاقي الجنة جوه عنيكي
يومي بيكمل لما بشوفك
مودي بيقلب لما تغيبي
لساني بيتقل لما أتكلم
وكل كلامي بيبقي عليكي
عارفه انا امتي عشقتك أصلاً
مره لما بعتي رسالة
حكيتي ازاي عايشيين احرار
واللي ف ايدي واللي ف ايدك
لا هم ليا - ولا هم ليكي
مبنطمعش ف المجهود
م بنسرقش احلام افكار
قلت ساعتها يابختي انا بيكي
حكيتي علينا وعلي تشابهنا
وبقيت شايف نفسي فيكي
حبيت كل عيوبي عشانك
وكل عيوبك بتحليكي
قلت دي نصي التاني التايهه
وعمري ما هقدر أفرط فيكي
ولأجل صراحتي المعهودة
من قبليها انا كنت بحبك
من اول فتره ومعجب بيكي
حتى همومك لما بشوفها
بقول يا حبيبيتي برافو عليكي
تعبت برضو ف عز شبابها
قادره تكمل رغم تعبها
حلو عنادك واحلا ما فيكي
كنت تايهه وسط همومي
فجاءه همومي سابتني وتاهت
ف اول مره لمست ايديكي
ليكي جميله ياحلوه عليا
ودين ف رقبتي وندر عليا
اني افرح قلبك دايما
واوهب عمري عشان ارضيكي
عارفه لما كنت بتبكي
كنت هموت واضمك ليا
واقرأ عليكي ايه الكرسي
وتاني آيات علشان ارقيكي
لمحت الغيرة ف عينك مره
كنت هطير وهموت من الفرحة
لان مشاكلي من كم يوم
كنت سببها وكنتي أساسها
وكانت أصلا غيره عليكي
ايوه ببان قدامهم جامد
قاسي وماكر ضايع جاحد
واجي قدامك بضعف جداً
فهدي اللعب الله يخليكي
يعني يهون عليكي يقولو
اني بمثل دور القادر
عامل فيها واعي وشاطر
واني انا اصلا واقع جدا
لما بترمش بس بعنيكي
وعشان شكلك برضو يا قمري
خفي عليا عشان بتوتر
دقه زياده -انا هحضن عادي
واجري ف وسط الشارع حافي
واصرخ وهقول ميت فيكي
وتولع كل الدنيا ساعتها
اصل جنوني احلا مافيا
زي عنادك ما محليكي
.........
Mahmoud Hanfy
يهمنا سماع رايك ( ضع تعليقك هنا )