قال يعني راح اتعب
واجري ارد الباب
وأتخبى ف العتمة
من امتي كان الضبع
بيهز شعره ف سبع
او يقتله همه
احنا ملوك الحدس
بنحس بالإعصار
نتلم له لمه
لا لينا ف الحيطة
ولانمشي جنبيها
مصايبنا عارفانا
تجينا الكسره
نرفعها بالضمة
ولو علي النجس
اللي رموه العسس
ف يا سيدي هتحمي
ميعوفوش اني
مفطوم علي العبس
كل خناقاتي بذمه
اموت مدام ف النور
ولا عيشها يوم ف الضلمه
قصايدهم فيا ذم
مقطوع طريق المدح
مسمعتلوش كلمه
كل الكلام بالذم
قالوا وبيقولوا
ومهما هيقولوا
عايش كأني اصم
فبلاها لت وعجن
وبلاها غيبه ونم
تيجي العدا يمي
تلاقيني مستني
أصلا معنديش دم
هتجيني بالفرحة
يا تلتوميت اهلا
هتجيني بالأوجاع
استني خدلك دور
انا تلي ما هيختل
لو زاد علي همه هم
دا الهم مني طفش
كل ما بيزورني
مابيلاقيش ترحاب
وانا كمان معذور
مشغول ف هم اهم
فلو جاي بالأوجاع
استني خدلك دور
انا تلي ما هيختل
لو زاد علي همه هم
تجيني البلوة
صعبان عليها حالي
جايه ف اديها الغم
تلاقيني بتريق
علي خيبتي وبضحك
تقولي ياض اتلم
اديني ياض قيمتي
وخاف مني وكش
عاملي مش هامك
والضحكة ماليه الوش
والله لأخلي بكاك
بدل الدموع الدم
ابص باستنكار
واضحك علي البلوة
ولا حتي اعبرها
اديها قيمه ليه
ولا حتي اقدرها
هتقولي جايبه مصاب
هقولك يا واد كداب
دا كل حاجه بتحصل
ربك مقدرها
وان خدت بالأسباب
تعال يمي اضحك
ودماغك كبرها
شكلك يا واد مش سهل
ف ان كنت تحفظ سر
انا عندي اسرارها
دول اللي معجب بيهم
حافظين ومش فاهمين
حفظوا اللي ف الكراريس
ونسيوا اللي كتبها
ونسيوا اللي سطرها
من خمر الدنيا سكروا
وقالو العنبة بتاعتنا
ولا قالوا مين حفر
ولأمين رمي الشتلة
ولا مين بعرقوا رواها
ولا مين خضرها
ولا حتي كلمه شكر
للي سهر كبرها
همي يا دوب كبروا
لقوها بتطرح
فنهبوا في ثمارها
مفضلش غير عنقود
ضارب ماليه الدود
قالوا كفاية علينا
ودا حق رعيانها
لكني عزيز النفس
لا بحب اكل الضيم
ولا ليا ف الجيفة
وانا برضو مش وحدي
انا يادوبك حر
من الف احرارها
لا انكسرت لينا عين
ولا يتلوي دراعها
ومهما الدياب تمكر
مكشوفه اخداعها
فاكريني زي الشجرة
يهزوا اغصانها
توهب ف تفاحها
ياخي (**A*7*A*)
من بره ابان طيب
زي الرماد همدان
تحته نيران قايده
رافض يولعها
اياك تاخد بالوش
احسن تبات ندمان
دا اللي تاخد بالوش
اديها تلسعها
ناب السباع غلاب
ولو انت اكبر ضبع
عمرك ما تمنعها
فبلاها تتكبر
تمشي وتتمختر
ولو بعينك تزغر
ف عادي نقلعها
ما انا برضو مش نخله
يرموها بالطوبة
فترمي ف بلحها
ياخي (**A*7*A*)
احنا الأسود الصابرة
ولو جاي ف ي نصيحه
حاسب ع كلامك
احسن ما يوجعها
منتاش حمل زئيرها
ولا حمل اوجاعها
رد الأسود بالناب
واسال كل الكلاب
عن سر خرايطهم
اسال عن الأسباب
وليه خططهم باظت
طب فين رسوماتهم
شوف مين قطعها
احنا الأساس ف القصة
احنا بدايتها
سر ابداعها
احنا صحاب الفكرة
اصل نشأتها
ابطال روايتها
طعم نجاحها
مش اي شخصيه
ف رواية مركونة
تشطب وتمسحها
احنا عمود الخيمة
لو فكروا يهزونا
بسهوله نخلعها
M_A_N#
Mahmoud Hanfy
روابط اخري للمدونة
يهمنا سماع رايك ( ضع تعليقك هنا )