اخسر زي ما تخسر عادي
واكسب نفسك تبقي كويس
كل الارض وكل براحها
فجاءه تشوفها خرم الإبرة
تبقي غني بالناس حواليك
تصبح فجاءه تبقي مفلس
تمسك خيط الدنيا الدايب
تلقي الإبرة بتصغر اكتر
اهدي اثبت عدي وركز
قولها ف سرك واوعاك تنسي
كله هيبقي ف لحظه كويس
اتعب عادي وايه المانع
كل الناس تعبانة ف حالها
اغضب فتره وارجع تاني
افشل مره والفين مره
بس نهايته ترجع نافع
يأبني الماس لو تحت الطين
شيل الطين راح يرجع لامع
عمر الشده ما تكسر شبل
بس الشبل صغير يافع
لازم تقسي عليه الدنيا
لحد ما يفهم انه مصارع
اسد اتولد يحكم غابه
فلازم يكبر حازم رادع
كبر الشبل وحكم الغابة
هادي وثابت قوي ومركز
واهو زي ما قالها وهو صغير
كله هيبقي ف لحظه كويس
M_A_N#
يهمنا سماع رايك ( ضع تعليقك هنا )