نظريه البعاد عنك
كانت نظريه وهميه
لا نفع فيها فيثاغورس
ولا الخوارزمي بجلالته
ولا عرفوا روم
ولا قدروا فرس
ولا حد ابدا حب فيكي نص تلت
ربع خمس سدس حبي ليكي
ولا داق حلاوته
يفني البشر عاجز
عن الوصول للمعضلة
من عهد احمس يا تري
ام عهد مينا ذو التاجين
قالوا النظرية باطله
فكيف وحد القطرين
بدون تلك الفاتنة
فلكل عين مقلتين
ولكل قلب قاتله
وتلكً هي المشكلة
وتلك النظرية فاشله
لا في ارض مصر
ولا ف تاريخها
كتبوا حاجه عن الفراق
فلما الخناق
وانا برضو ابنك
وابن وبطنها
ولسه عايش الاشتياق
فلما الخناق
اشرف لقاء كان
علي ارضها
رب العباد لما تجلي
كان في سينا
والتقي موسي نبينا
واهتدي الكون والعباد
معرفش مالهم
لسه بيقولو ابتعاد
مفهمش مالهم
مستكترين الفرح فينا
دا حتي يوسف لما جاها
كان ضعيف
من بعد ظلمه
لاجل علمه
كرموه
وحكموه الزاد والرغيف
فالتقي الاب الرسول
بقميص حبيبه العفيف
بامره فتح الرسول
وكان كفيف
وانتهت قصه فراقه
بالنجومً والشمس ساطعه
والقمر واقف بيبكي
وانتهي البعد المخيف
وتقولي نظريه فراق
وفي بعاد وفي افتراق
وكلام سخيف
الارض دي ارض اتفاق
يا نعيش سوا
يا نموت سوا
مين بس قال ان الهوي
حلقه سباق
تكسبني مره
وتاني مره اكسبك
وتسيبني مجروح
فارجع بجرحي واكسرك
مين بس قال ان الهوي
حلقه سباق
تكسبني مره واكسيك
دا انا وقتي كله
عايشه ليك
بهتم بيك
دا انا كنت بسكت
واداري خوفي
بخاف لا خوفي يبان عليك
ازاي تكون النهايه اني اخسرك
مين بس قال ان الهوي
حلقه سباق
تكسبني مره واكسبك
الهوي اصله عناق
مش 300 ساعه خناق
مش سيب واسيب
الهوي معرفش شرحه
الهوي احساس جميل
احساس غريب
الهوي انك بتصغر
كل لحظه بتبقي جنبي
ولما نبعد يوم تشيب
بخاف يعلموكي الحب
بالمعكوس
فتنطفي شمسنا
فجاءه وتغيب
اخاف لحلمي ينقلب
فجاءه كابوس
طب مين يداويلي
ف جراحي
وكيف تطيب
ان مش بقولك ان احنا
عايشين المؤامره
بس هو العمر مره
والمهم ازاي نشوف
الحلو جوه في
اي حاجه مره
العمر مره
فبلاش نخلي الرحله مره
العمر مره
فحبي حلمك غصب عنهم
واحضنينه
وكلامهم الماسخ شبهم
اوعا مره تسمعيه
نظريتهم خايبه وضعيفه
نظريتهم تافهه وسخيفه
مقدرش يحلها فيثاغورس
ولا الخوارزمي بجلالته
ولا حد عمره هيحب فيكي
نص ربع حبي ليكي
ولا حتي غيري
داق حلاوته
M_A_N#
Mahmoud Hanfy
يهمنا سماع رايك ( ضع تعليقك هنا )