سوريا

مبسوط مرعوب علشانك

يا اجمل ورده واحلا مكافحه
وبنادي بقلبي واقولها يارب
عشمان يصلح حالنا وحالك

عشمان نتجمع زي زمان
وسط اخواتي ووسط اخواتك
واشوفك حلوه ف كل مكان
ونكيد ونغيظ في ولاد اعمامك

والله يا سوريا انا ياما دمعت
ومكنش ليا غير دمعتين
دمعه نزلت مره لمصر
والتانيه نزلت علشانك
ودموعي اصلا خلصانه
ف سن العشرين

خدي بالك حواليك كلاب
عايشين يتمنوا عينك تغفل
وهينهبوا الحته الباقيه لك
ويشيلوا الكحل برمش العين

ونعيش ونعيد احزان واهات
وبكا ودموع واعيش موجوع
اجبلك من فين انا تاني دموع
بيها ابكيكي
ما كفايه ياحلوه ولمي الدور
وارحمي حالنا الله يهديكي

قومي وتوبي صومي وصلي
افرحي بشبابك من تاني
حبي وغني

بصي حواليك شوفي الدنيا
واحمدي ربك
علي حظك خدتي اخر دمعه
اما التانين مشافوش دمعه
يصرخوا وودانا ماهيش سامعه
وعذرونا سنين

حرمنا خلاص وحفظنا الدرس
وعرفنا يا ست انك غاليه
واهلك غاليين
لو راحت منك حته عين
تعالي ياحلوه اديكي اتنين

وعرفنا خلاص من حبك
ومين بدراعه ف ليل ضمك
وقال اهلي كما واهلك
وحلف بالله انك غاليه
وناسك غاليين

ومين عاملك حسب اصله
ومين كرمك ودفاكي
عشان حجه شبهه حجك
عشان اصله كطيب اصلك
فصان دمك وراعي الدين

فرصه وكشفت من حبك
ومين عمره كما عمرك
لموها خلاص خلونا ساكتين

كل اللي صانوك انا حبتهم
من الاول انا كنت حاببهم
دلوقت اضرب حبي في اتنين

كفياك عناد وخلاص هدي
مش باقي لينا اي دموع
ولا عندنا صحه لشيل الطين

رعباني الفتنه اللي ما بينكم
لتشمتوا فينا ولاد الكلب
وولاد الكلب مش ساكتين
شاردين فجمالك يتمنوا
يشوفوكي مقسومه
ما بين خطين

والناحيه دي لينا
والناحيه دي لينا
وتضيعوا مابين الناحيتين

فادعي ربك يجمع شملك
وشمل جراينا وشمل البيت
اللي مهجور من غير ساكنين

بيكفي عناد وخلاص هدي
مش باقي لينا اي دموع
ولا عندنا صحه لشيل الطين

............

#M_A_N

Mahmoud Hanfy

INSTA

 

1- wordpress  تصفح الموضوعات
علي ورد بريس  manw23  

2- flicker  تصفح المدونة علي فليكر 

3- pinterest  تصفح المدونة  manw23   

4- tumbler تصفح  المدونه علي تمبلر  

                             

5-  مدونه بلوجر