انا العاشق دواويني
وانا ملعون دواوينك
ولما شغلتي احساسي
بقيتي ساكنه شرياني
وانا عمري ما زرت في يوم
شرايينك
وانا الكذاب في ١٠٠ مره
بخاف احرق بساتينك
بخبي الصعبة والمرة
بخاف تدمع ف يوم عينك
انا كدبي عليكي ابيض
بحلي كلامي واتجمل واقول موقف
وبستهبل علي وجعي وبتنك وبستظرف
بخاف تجيني تتحامي وتستقوي
تلاقى جدارك الأقوى وجداري اضعف
انا اللي ف حزنك بتوتر بخاف بمرض
انا كدبي عليكي ابيض
ورحمه قلبي اللي كان
في يوم ابيض
ولما مات غسلته وكفنته
ولفيته بأيدي بالأبيض
حرام الحب من بعدك
كبرت سنين في يوم بعدك
صغرت سنين وانا جنبك
رجعلي قلبي من تاني
رجعلي زي ما سبته
في يوم ابيض
حرام الحب من بعدك
ولا عمري هشوف بعدك
عروسه تلبس الابيض
ورحمه قلبي اللي كان
في يوم ابيض
انا كدبي عليكي ابيض
انا عمري ما كنت اتمنى
يوم ابعد ولا اهرب
بداءت احل في مشاكلك
وفجاءة لخبطت حياتك
من الاسهل بقت اصعب
انا عمري ما كنت اتمنى
يوم ابعد ولا اهرب
انا عاشق دواويني
وانا الملعون ف ديوانهم
وانا حارق دواوينك
ما عارف ازاي اراضيكى
وانا ناهب اراضيكي
وانا سارق بساتينك
انا الملعون فى كل ديوان
حرام الدمع لو ينزل على شيطان
ف شيلي الدمعة من عينك
شافونا فرقوا بينا
وقالو شيطان دخل بينا
ورسمولي صوره فى خيالهم
ولما رحت اشوف حالهم
واقول مالهم قالولى استوب
انا الشيطان فى صوره
عملوها على الفوتوشوب
لا انا شيطان ولا بينكم
انا راحل بعيد عنكم
انا تعبان انا ههرب
ولو زادت نار الفرقة
وقالو دوايا فى لقاكم
اموت عطشان ولا اشرب
هموت يمكن من الفرقة
ولا انى اعيش بينكم
شيطان اجرب
انا عمري ما كنت اتمنى
يوم ابعد ولا اهرب
بقيت ناسي دواويني
وفاكر لون فساتينك
يا لسه ساكنه شرياني
وانا عمري ما زرت
