للناس مش عارف اوصفك
جمالك مش نافع يتوصف
بقول لقلمى يرسمك
قلمى بيسكت ينكسف
قلتله يا قلمى ارسم
دى صورتها جوه قلبى
وعنى مش بعيد
قالى مش هقدر ارسم
اخاف تطلع وحشه
جمالها عمال يزيد
اول ما رسمت عينك
الورقه من ايديى طارت
بسرعه جريت وراها
والهواء مكنش شديد
الورقه طارت من الفرحه
فرحت بعنيكي اكيد
تهت معاكى بقلمى
وسرحت فى الخيال
همست لصورتك همسه
وسالتها سؤال
ياتري هبقى ليكي
ياتري هتبقى ليا
ولا دا محال
M_A_N#
Mahmoud Hanfy
يهمنا سماع رايك ( ضع تعليقك هنا )