MAHMOUD HANFY MAHMOUD HANFY
recent
جاري التحميل ...

انتي صح


انا خايف لكن خايف
اقول خايف من الدنيا
انا شايف لكن خايف
تتهد احلامي وف ثانيه

يا دوامه ووخدانا علي
الاحزان ليه رميانا
العين لو ضحكت مره
بتنام خايفه
في ١٠٠مره
بالدمع هتكون مليانه

يافرحه في يوم كنا صحاب
سبيني وروحي للاحباب
ومن تاني بلاش تسبيهم
ياما كنت سبب الدموع
ولعت نار بين الضلوع
معترف بالكبرياء
ومعترف بعدم الخضوع
ومعترف اني في يوم
كسرت فيكي
كل المشاعر
وطفيت حوليكي
كل الشموع

انتي صح ومش هلومك
اديكي بتعيشي تكفي يومك
ارسمي الفرحه في عيونك
خليها تنور خدودك
وريهم معني حلاوتك
خليهم يتمنو عطفك
خليهم يتمنو جودك
العني الحزن وسواده
افتحي للفرح بابه
افرحي يا حلوه بشبابك
لكن الزمي حدودك

لاتجيبي سيرتي ولا تحكي
لاتقولي اصلي ولا فصلي
انا كداب انا منافق
انا الجبان وانا الغشاش
انا القطر اللي كان سريع
وفي لحظه قلب قشاش
انا اللي العشره 10 مني
بيتابعو هناك ببلاش

انا غلطان واستاهل
وانا اللي بعت بالساهل
بلا مكسب ولا ومقابل
انا كدبي بيملا بحور
وريحه كدبي سبقاني
ومداري في ريحه عطرك
وبتندم بقالي شهور
والناس قلوبها يادوب دم
وانا قلبي حجر وصخور

فكفايه شتيمه كفياكي
الله يباركلك مش ناقص
لا عايز اسمع ولا أحكي
من قالك يوم
حبي واحد ناقص

ولامتي انا هفضل اتحمل
من امتي الكدب بيجمل
ولا بيصنع اسطوره
فلا بكدبك تكوني سكر
ولا بتخاريفك اموره
بلاش تسالي ازاي بعرف
ببساطه إسالي العصفوره
ياريت نقفل خلاص الباب
خلصنا خلاص يا سنيوره
M_A_N‬#
Mahmoud Hanfy

عن الكاتب

MAHMOUD HANFY المدونة خاصه بمنشئ المحتوي / محمود حنفي : والتي تعتمد على أساس صياغه بعض المواضيع بأسلوب ملائم للطرح لا يخلو عاده من الأخطاء - لذلك توجيهكم محل تقديرنا ونسعد لملاحظاتكم كما يمكنكم المتابعة والتواصل : عن طريق الروابط الخاصة بوسائل التواص ...

التعليقات

يهمنا سماع رايك ( ضع تعليقك هنا )


جميع الحقوق محفوظة

MAHMOUD HANFY

2025