انا اللي بقول انا عايش
انا منفض انا مكبر
ولما اصحي من نومي
ادعي ينتهي يومي
ماهي الأيام لافيها
جديد بتتعاد وتتكرر
وذاكرتي بتتلاشي
ايام زمان بتتبخرر
ولو حد سالني عن حالي
بقوله تماااااااااااااااااام
من كتره حلاوه العيشة
خايف يجيني سكر
واهي أيام وبتعدي ليه
اتعب نفسي وافكر
وبقول خلاص انا ناسي
لكني لسا بتذكر
أوقات بظهر كأني حديد
ومن جوايا متكسر
ولو بانت حاجه عليا
او ظهر الحزن فى عنيا
وحد سألني ايه مالك
شكلك زعلان ومكشر
برد وقول مفيش حاجه
بقول دا صداع وبتكبر
واضحك وأقول انا جامد
افوت ف حيط ولا اتعور
لكني شخص هش ضعيف
بيتعبني اقل كلام وبتأثر
وافكاري بتتلخبط وعقلي كمان
بييتشتت بيتخبط
وببقي نفسي اصرخ ابكي
بس مش بعرف اعيط
ولسا بقول انا عايش
انا منفض انا كويس انا مكبر
انا عادي انا اللي عمري
مهوش كبير ولا صغير
يهمنا سماع رايك ( ضع تعليقك هنا )